Amazon Ринг компанияси ўтган йилги байрам мавсумида мижозларни қўллаб-қувватлаш хизматига тушган қўнғироқлар оқимини тартибга солиш учун 40 дан ортиқ сунъий интеллект (AI) провайдерларини кўриб чиқди ва якунда Вапи стартапини танлади. Ҳозирда Ринг компаниясининг барча кирувчи қўнғироқлари Вапи платформаси орқали қайта ишланмоқда. Бу ҳақда Techcrunch.com хабар беради.
Ушбу ҳамкорлик Вапи стартапига Пеак ХВ Партнерс етакчилигида 50 миллион доллар миқдорида сармоя жалб қилиш имконини берди ва компаниянинг умумий қийматини 500 миллион долларга етказди. Amazon Ринг вакили Жейсон Митуранинг таъкидлашича, Вапи платформаси жорий этилгандан сўнг мижозлар мамнунияти кўрсаткичлари сезиларли даражада ошган.
Вапи асосчилари Жордан Деарслей ва Нихил Гупта дастлаб 2023-йилда сунъий интеллект асосидаги терапевтик хизматни яратишган эди. Бироқ, улар фойдаланувчиларнинг айнан паст кечикишли (лов-латенкй) овозли инфратузилмага қизиқиши юқори эканлигини пайқаб, ўз фаолиятларини ушбу йўналишга йўналтиришди ва 2024-йилда платформани оммага тақдим этишди.
Бугунги кунда Вапи платформаси кунига 1 миллиондан 5 миллионгача қўнғироқни қайта ишлайди. Стартап хизматларидан Кавак, Инставорк, Нев Ёрк Лифе ва Интуит каби йирик компаниялар фойдаланмоқда. Microsoft компаниясининг М12 фонди ҳам иштирок этган ушбу сармоявий босқич билан Вапининг умумий маблағи 72 миллион долларга етди.
“Zamin”ни Telegram'да ўқинг!
