NASA космосда криоген ёқилғини сақлаш ва қуйиш технологиясини синовдан ўтказади

NASA ва Эта Спасе компанияси ҳамкорликда ЛОХСАТ (Лиқуид Охйген Фlight Демонстратион Сателлите) экспериментал миссиясини ишга туширишга тайёргарлик кўрмоқда. Ушбу лойиҳа космосда, хусусан, вазнсизлик шароитида суюқ кислород каби ўта совуқ криоген ёқилғиларни сақлаш ва бошқариш технологияларини синовдан ўтказишга қаратилган. Бу ҳақда Ixbt.com хабар беради.

Миссиянинг асосий мақсади орбитада космик «заправка станциялари»ни яратиш имкониятини ўрганишдир. Бу келажакда Ой ва Марсга парвозларни амалга оширувчи кемаларни Ер орбитасидаёқ ёқилғи билан тўлдириш имконини беради, бу эса узоқ масофали космик инфратузилмани ривожлантириш учун ҳал қилувчи қадам ҳисобланади.

ЛОХСАТ сунъий йўлдоши орбитада тўққиз ой давомида 11 хил технологияни, жумладан, ёқилғининг буғланишини камайтириш, босимни сақлаш ва суюқликларни бир тизимдан иккинчисига хавфсиз ўтказиш усулларини синовдан ўтказади. Криоген ёқилғиларни космосда сақлаш мураккаб муҳандислик вазифаси бўлиб, ҳароратнинг бироз кўтарилиши ҳам ёқилғи йўқотилишига олиб келади.

Ушбу қурилма NASAнинг Типпинг Поинт дастури доирасида ишлаб чиқилган бўлиб, уни орбитага чиқариш учун Роккет Лаб компаниясининг Электрон ракетасидан фойдаланилади. Парвоз Янги Зеландиядаги космодромдан амалга оширилиши режалаштирилган.

Агар синов муваффақиятли ўтса, ушбу технология NASAнинг Артемис дастури ва келажакдаги Марсга уюштириладиган бошқариладиган экспедициялар учун пойдевор вазифасини ўтайди.