Солар Орбитер космик аппарати Қуёшда Х синфига мансуб бир қатор ўта кучли чақнашларни қайд этди. Ушбу ҳодисалар ёритқичнинг орқа томонида содир бўлгани сабабли, уларнинг таъсири Ерга йўналтирилмаган. Бу ҳақда Ixbt.com хабар беради.
У ерда шаклланган фаол ҳудуд аллақачон учта йирик чақнашни амалга оширди. Уларнинг энергияси сайёралар деярли бўлмаган ҳудудга йўналтирилган бўлиб, асосий зарба Меркурийга тўғри келди.
Кузатув маълумотларига кўра, чақнашлар қуёш доғлари гуруҳининг ўзини қисман вайрон қилган. Шу сабабли, ҳудуд Ерга «ўгирилгунга» қадар унинг фаоллиги пасайиши мумкин.
Бу ҳолат яқин кунларда сайёрамизда кучли геомагнит эффектлар юзага келиш эҳтимолини камайтиради. Олимлар ҳудудни кузатишда давом этмоқда: дам олиш кунларига келиб у Ердан кўринадиган бўлади ва ўшанда космик об-ҳаво хавфи сақланиб қоладими ёки йўқми, аниқлик киритилади.
“Zamin”ни Telegram'да ўқинг!
