Олимлар Қуёшдан тарқалаётган ва мисли кўрилмаган давомийликка эга бўлган радиопортлашни аниқладилар. Ушбу ҳодиса кетма-кет 19 кун давом этиб, кузатувлар тарихидаги энг узоқ давом этган сигналга айланди. Одатда бундай радиотўлқинлар бир неча соатдан бир неча кунгача давом этади, бироқ бу сафар нурланиш деярли уч ҳафта давомида ўз интенсивлигини сақлаб қолди. Бу ҳақда Ixbt.com хабар беради.
Signal илк бор 2025-йил 21-августда одатий қуёш радиопортлаши сифатида рўйхатга олинган эди. Бироқ, кутилганидан фарқли ўлароқ, ушбу энергия оқими сўниб қолмади ва NASA ҳамда ESA агентликларининг тўртта миссияси томонидан қайд этилди. Дастлаб Солар Орбитер аппарати, сўнгра Паркер Солар Proбе, Винд сунъий йўлдоши ва ниҳоят СТEРEО-А кубсати ушбу жараённи тўлиқ кузатишга муваффақ бўлди.
Астрономлар таснифига кўра, ушбу ҳодиса ИВ турдаги қуёш радиопортлашларига киради. Бундай эмиссиялар электронлар Қуёш коронасидаги улкан магнит ҳалқаларда “қамалиб” қолганда юзага келади. Тадқиқотчиларнинг фикрича, аномал давомийликка битта чақнаш эмас, балки қуёшнинг айнан бир ҳудудида содир бўлган учта кетма-кет коронал масса отилиши сабаб бўлган.
Гарчи бу радиотўлқинлар Ер учун тўғридан-тўғри хавф туғдирмаса-да, бундай жараёнлар сунъий йўлдошлар, алоқа тизимлари ва коинот аппаратлари ишига таъсир қилиши мумкин бўлган кучли қуёш фаоллиги билан бирга кечади. Шу сабабли, мазкур кузатувлар коинот об-ҳавосини прогноз қилиш ва орбитал инфратузилмани ҳимоя қилишда муҳим аҳамиятга эга.
“Zamin”ни Telegram'да ўқинг!
