Россияда Wi-Fi нуқталарига бўлган талаб кескин ошди
Россияда мобил интернетдаги узилишлар туфайли бизнес ва давлат идоралари томонидан Wi-Fi нуқталарини яратишга бўлган талаб кескин ошди. Бу ҳақда «Ростелеком» компанияси президенти Михаил Осеевский маълум қилиб, Wi-Fi инфратузилмасини ривожлантириш суръати ўтган йилнинг шу даврига нисбатан икки баробарга кўпайганини таъкидлади.
Россиянинг «Ростелеком» компанияси президенти Михаил Осеевский мобил интернетдаги узилишлар бизнес ва давлат идоралари томонидан Wi-Fi нуқталарини яратишга бўлган талабни оширганини маълум қилди. Унинг сўзларига кўра, мижозлар интернетдаги чекловларни бугунги куннинг ажралмас воқелиги сифатида қабул қилмоқда. Бу ҳақда Ixbt.com хабар беради.
Компания раҳбари Wi-Fi инфратузилмасини ривожлантириш суръати ўтган йилнинг шу даврига нисбатан икки баробарга ошганини таъкидлади. «Ростелеком» айниқса жанговар ҳаракатлар чизиғига яқин ҳудудларда аҳоли учун бепул Wi-Fi лойиҳаларини амалга оширмоқда.
Михаил Осеевский компания ушбу узилишлардан катта фойда кўраётгани ҳақидаги фикрларни рад этди. Унинг қўшимча қилишича, бу лойиҳалар кўпроқ ижтимоий аҳамиятга эга ва вазият барқарорлашгач, барчаси ўз маромига қайтади.
Изоҳлар 0
…