Amazfit компанияси ўзининг янги Бип Max ақлли соатларини глобал савдога чиқарди. Қурилма АҚШ бозорида 100 доллар, Буюк Британияда 100 фунт, Францияда эса 100 евро нархида таклиф этилмоқда. Янги модел ўзининг техник хусусиятлари билан аввалги авлодлардан сезиларли даражада ажралиб туради. Бу ҳақда Ixbt.com хабар беради.
Асосий ўзгаришлардан бири — диагонали 2,07 дюймга тенг бўлган йирик АМОЛEД экрандир (Бип 6 моделида 1,97 дюйм эди). Шунингдек, дисплей ёрқинлиги 50 фоизга оширилиб, 3000 нитга етказилган, бу эса қуёшли кунда ҳам маълумотларни бемалол ўқиш имконини беради. Соат ЗеппОС 5.0 операцион тизимида ишлайди ва Флов 2.0 овозли ёрдамчисини қўллаб-қувватлайди.
Қурилма саломатлик ва спортга йўналтирилган бўлиб, ўнлаб машғулот режимларини таклиф этади. У юрак уриш тезлиги (ЧСС), қондаги кислород миқдори (СпО2), HRВ таҳлили ҳамда уйқу ва стресс мониторингини амалга оширади. Шунингдек, фойдаланувчилар офлайн навигация учун хариталардан фойдаланишлари мумкин.
Техник жиҳатдан қурилма анча кучайтирилган: ички хотира ҳажми 512 МБ дан 4 GB гача оширилган. 550 мАс сиғимли аккумулятор эса бир марта қувватлаш орқали 20 кунгача ишлашни таъминлайди. Бу кўрсаткичлар Amazfit Бип Max моделини ўз нарх тоифасидаги энг жозибадор гаджетлардан бирига айлантиради.
“Zamin”ни Telegram'да ўқинг!
