Иш жараёнларини бошқариш бўйича етакчи платформалардан бири бўлган Асана ўзини сунъий интеллектга асосланган ишчи муҳит сифатида намоён этиш мақсадида Стакк AI компаниясини 75 миллион долларга сотиб олганини эълон қилди. Ушбу келишув доирасида Стакк AI асосчилари Тонй Росинол ва Бернард Асеитуно ҳам Асана жамоасига келиб қўшилади. Бу ҳақда Techcrunch.com хабар беради.
Асана ушбу харидни ўзининг стратегик бурилиши деб атамоқда ва платформани "одамлар ва агентлар жамоаси учун операцион тизим"га айлантиришни кўзламоқда. Стакк AI тизими Salesforce, Slack ва Гсуите каби мавжуд бизнес платформаларидан маълумотларни олиб, мураккаб иш жараёнларини автоматлаштирувчи агентларни яратишга ихтисослашган.
Й Комбинатор битирувчиси бўлган Стакк AI шу кунга қадар 20 миллион долларга яқин инвестиция жалб қилган эди. Компания бозорда Запиер каби автоматлаштириш воситалари ҳамда OpenAI ва Anthropic каби йирик лабораториялар билан рақобатлашиб келаётган эди. Эндиликда ушбу технологиялар Асана экотизимига тўлиқ интеграция қилинади.
Сўнгги йилларда Асана бир қатор AI маҳсулотларини, жумладан, AI Стюдио ва AI Теамматес сериясини тақдим этди. Компания ChatGPT пайдо бўлганидан бери бозор қийматининг ярмидан кўпини йўқотган бўлса-да, янги раҳбарият инсон ва агент ҳамкорлигига асосланган маҳсулотлар орқали ўсишга эришишига ишонмоқда.
Асана бош директори Дан Рогерцнинг таъкидлашича, ушбу харид компания йўл харитасини тезлаштиради. "Стакк AI бизга энг мураккаб бизнес жараёнларини бошидан охиригача агентлаштириш имконини беради", — дея қўшимча қилди у.
“Zamin”ни Telegram'да ўқинг!
