Фото: Hi-Tech.Mail.ru
Массачусетс технология институти тадқиқотчилари ҳар қандай бино ичини автоматик режимда дезинфекция қилувчи ультрабинафша лампаларга эга роботни яратди, деб хабар беради Hi-Tech.Mail.ru.
Робот ишлаш принципи жиҳатидан замонавий автоматик пилесосларга ўхшайди — унинг ўзи оптимал маршрутни танлаб, бинодаги барча ҳудудни айланиб чиқади. Бу улкан омбор, завод, шифохона, мактаб бошқа исталган бино бўлиши мумкин.
Микроблар, бактерия ва вирусларни йўқ қилиш учун 360 даража бўйлаб ёнувчи тўртта ультрабинафша лампалар жавоб беради. Ихтирочиларнинг сўзларига кўра, робот 380 метр квадратга эга бинони тозалаш учун 30 дақиқа вақт сарфлайди ва турли юзалардаги коронавирус зарраларининг 90 фоизини йўқ қилади. Тадқиқотчилар қурилмани Катта Бостон озиқ-овқат банкида синаб кўрган.
Робот дезинфекция ишининг самарадорлигини ошириш учун жуда секин ҳаракатланади — соатига 0,5 километр тезликда. Робот-пилесослар каби унинг автономлиги чекланган, шу сабабли аккумулятори қуввати тугаганда робот автоматик равишда қувватлантириш станциясига йўл олади. Қувватланиб бўлгач яна ишини давом эттиради.
Роботни бошқариш учун бирор киши керак бўлмайди — уни дезинфекциялар даврийлиги ва маршрутини белгилаб қўйиш кифоя. Қолганини у автоматик режимда давом эттиради.
Бу турдаги роботлар очиқ савдоларга қачон чиқиши ҳозирча номаълум. Мазкур нусха Ava Robotics компаниясининг тайёр платформаси асосида яратилган. “Замин” янгиликларини “Инстаграм”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
«Реал Мадрид» устози Карло Анчелотти кечаги ғалабадан сўнг нималар деди?
Эрдўғон: «Исроил Гитлердан ҳам ўтиб кетди»
Ўзбекистонда зилзилага тайёргарлик кучайтирилади
Қозоғистонлик миллиардерлар сув тошқинидан зарар кўрган ҳудудларга маблағ ажратди
Бизнес имкониятингизни кенгайтиринг
Сирдарёда бюджетга жуда кўп миқдорда зарар етказган майнинг ферма аниқланди
Хотирани яхшилашнинг жуда оддий усули топилди
Қондаги шакар миқдорини тартибга солувчи фойдали мева номи айтилди