Telegram жамоаси илованинг янги версиясини тақдим қилди.
Юкланмалар ҳажми ошди
Энди фойдаланувчилар 2 Гб гача бўлган исталган файлни юбориши ва уларга исталган қурилмадан кириши мумкин. Файллар юклаб олинаётганида қидирув панелида янги белги пайдо бўлади.
Фото: Telegram
Янги меню
iOS иловасида бириктирмалар менюси дизайни Android иловасига етиб олиши учун тўлиқ янгиланди.
Камера функцияси энди галереяга интеграция қилинди ва янги навигация менюси расмлар, файллар, жойлашув ахборотини улашиш ва бошқаларга тезкор кириш имконини беради.
Янгиланган файллар рукни охирги юборилган файлларни кўрсатади ва уларни номи асосида қидириш имконини беради.
Android учун янги интерфейс
Фото: Telegram
Энди тунги режимда чат тарихини варақлаётганингизда фон, стикерлар ва медиа ярим шаффоф интерфейс элементлари орқали нур таратади. Бу янгиланиш визуал технологияларни бошқа платформалардан Android иловасига олиб келади.
iOS фойдаланувчилари 2021 йил, июнь ойидан буён ярим шаффоф интерфейс элементларидан фойдаланиб келмоқда.
Android ва МаcОS иловаларида ҳисобга кириш усули равон янги анимациялар билан янгиланди ва тўлдирилди. Android иловасида логин кодингиздаги рақамлар жойига силжиш ҳам қўшилган.
Фото: Telegram
Телефон рақами ҳаволалари
Исталган киши созламалар саҳифасидан уникал @foydalanuvchi номини яратиши мумкин. Бу бошқаларга телефон рақамингизни бермасдан қидирув орқали ёки t.mе/username кўринишида боғланиш имконини беради.
Бу янгиланиш дарҳол фойдаланувчи билан чатни очадиган бошқа платформа учун ҳам бевосита телефон рақамингиз ҳаволасини улашиш имконини беради.
Телефон рақамини халқаро форматда ёзиш керак. Масалан, t.me/+998921234567
Бошқа иловалар билан жонли эфир
Фото: Telegram
Энди гуруҳ ва каналлар чексиз томошабинлар билан жонли эфирларни амалга ошириши мумкин. Профессионал блогерлар ва журналистлар обуначилари билан боғланиш учун Telegram жонли эфирларидан тобора кўпроқ фойдаланмоқда.
Бу янгиланишда бир нечта экран орасида алмашиш, тасвир устига фойдали ахборот қўшиш, экрандан фойдаланиш учун OBS Studio ва XSplit Broadcaster каби стриминг воситаларидан жонли эфир қилишингиз мумкин.
- Telegram’нинг кўп миллатли жамоаси таркибида Украинадан кўплаб аъзолар бор. Биз Украинадаги можаро тезроқ тугатилишини тилаймиз, — дейилади хабарда. “Замин” янгиликларини “Twitter”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Халқаро жиноят суди Исроил бош вазири Нетаньяхуни ҳибсга олишга ордер берди
“Ҳизбуллоҳ” бир суткада Исроилга қарши 20 га яқин ҳарбий амалиёт ўтказди
Ўмон султонлиги элчиси: «Урушларни ҳарбий куч билан ҳал қилиб бўлмайди»
Шавкат Мирзиёев Россия бош прокурори билан учрашув ўтказди
Зеленский Путин борасида баёнот берди: “Тинчликни истаганлар юзига тупурмоқда”
Бефойда ва қиммат: шифокорлар тавсия этмайдиган 5 турдаги биологик фаол қўшимчалар
Диний қўмита Умра зиёратини ташкил қилиш учун 12 та турфирмага лицензия берди
Путин Украинадаги объектга баллистик ракета зарбаси берилганини эълон қилди
