Япониялик олимлар депрессия ва стрессга қарши самарали ҳисобланган янги молекула — PA-915ни яратишди. У организмга киритилганда PAC1 стресс рецепторини тўлиқ блоклаб, ташвиш ва тушкунликни йўқотиши, шунингдек, хотирада қолган салбий изларни тозалаши мумкин.
Олимларнинг айтишича, молекула таъсири икки ойгача сақланади. Ҳозиргача ўтказилган тажрибалар сурункали стрессга дучор қилинган сичқонларда амалга оширилган ва ижобий натижа қайд этилган.
Ҳозирда препаратни одамларда синовдан ўтказиш учун тайёргарлик ишлари олиб борилмоқда. Мутаҳассислар бу дори келажакда депрессияни даволашда муҳим қадам бўлиши мумкинлигини таъкидламоқда.
Маълумот учун: стресс — бу ташқи чақириққа организмнинг вақтинчалик физиологик ва психологик жавобидир. Депрессия эса узоқ давом этувчи қайғу ҳисси, ҳаётга қизиқишнинг йўқолиши ва турли функционал бузилишлар билан кечади. У кўп вақт даволанишни талаб этади.
“Zamin”ни Telegram'да ўқинг!
