Консерваланган маҳсулотлар кундалик ҳаётда кенг қўлланилади, чунки уларни сақлаш осон ва тайёрлашга кўп вақт талаб этилмайди. Бундай маҳсулотлар узоқ муддат сақланиши учун махсус ишловдан ўтказилади. Шу сабабли уларнинг таркибида қўшимча моддалар бўлиши мумкин.
Айрим ҳолларда консерва маҳсулотлари фойдали ҳам бўлиши мумкин. Масалан, сабзавот ва мевалар консервa қилинганда ҳам муайян витаминларни сақлаб қолади. Бироқ қайта ишлаш жараёнида айрим озуқа моддалари камайиши эҳтимоли мавжуд. Шунинг учун улар янги маҳсулотларни тўлиқ алмаштира олмайди.
Мутахассислар таъкидлашича, консерваланган маҳсулотларда туз, шакар ва консервантлар миқдори юқори бўлиши мумкин. Бу эса ортиқча истеъмол қилинганда юрак-қон томир касалликлари, қон босими ошиши ва бошқа муаммоларга сабаб бўлиши мумкин. Айниқса, болалар ва кекса ёшдагилар учун бундай маҳсулотларни чеклаш тавсия этилади.
“Zamin”ни Telegram'да ўқинг!
