Toshkentda kelasi besh yil ichida haydovchilar uchun vaziyat ancha yengillashadi. Prezident qaroriga ko‘ra, 2030 yilgacha poytaxt bo‘ylab 150 mingta to‘xtab turish joyi tashkil etiladi. Hozirgi yo‘llardagi “vechniy probka” holatini yodga olsak, bu yangilik ko‘pchilikni xursand qiladi — realda esa hali oldinda jiddiy ish turibdi.
-Hujjatda shahar transport tizimini yangi bosqichga olib chiqish bo‘yicha asosiy maqsadlar belgilab qo‘yilgan:
-jamoat transportidan foydalanish ulushini 60% gacha oshirish;
-avtobuslarning o‘rtacha tezligini 18 km/soatdan 24 km/soatga ko‘tarish;
-metro tarmog‘ini 103 km gacha uzaytirish.
Metropoliten bosqichma-bosqich rivojlanadi:
-2027 — 76 km,
-2028 — 85 km,
-2029 — 90 km,
-2030 — 103 km.
Shuningdek, shahardagi transport muhitini yengillashtirish uchun yana bir qator katta o‘zgarishlar rejalashtirilgan:
-600 ta avtobus bekati rekonstruksiya qilinadi;
-piyoda va velosipedlar uchun 40 km yo‘laklar yaratiladi;
-300 km yo‘l ta’mirdan chiqadi;
-yagona boshqaruv tizimiga tutashgan 200 ta “aqlli” svetofor va chorraha o‘rnatiladi;
-yana 4 ta yo‘l o‘tkazgich va tunnel barpo etiladi.
3-dekabr kuni bo‘lib o‘tgan taqdimotda prezidentga shaharga tushayotgan yuklama ortib borayotgani tanqidiy tarzda aytib o‘tilgan: aholi, avtomobillar va iqtisodiy faollik keskin ko‘paygani natijasida asosiy yo‘laklarda bosim ikki barobarga oshgan. 7–8 balli tirbandliklar esa “yangi normal”ga aylangan.
Muammo faqat harakat emas — shaxsiy avto ulushining yuqoriligi ekologiyaga ham salbiy ta’sir qilmoqda. Shu bois, qabul qilingan choralar nafaqat yo‘llardagi harakatni yengillashtirish, balki shahar xavosini yaxshilashni ham ko‘zlaydi.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
