Foto: Picture Alliance
30 nafar demokrat kongressmen AQSH prezidentiga murojaat qilib, Ukrainadagi urushni tugatish bo‘yicha Moskva bilan to‘g‘ridan to‘g‘ri muzokaralarni boshlashga chaqirdi. Bu Baydenga partiyadoshlari tomonidan kursni o‘zgartirish bo‘yicha birinchi marta murojaat qilishi.
Bir guruh demokrat kongressmenlar AQSH prezidenti Jo Baydenga maktub yo‘llab, Ukrainadagi urushni to‘xtatishga olib kelishi mumkin bo‘lgan Rossiya bilan to‘g‘ridan to‘g‘ri muzokaralar o‘tkazishga chaqirdi. Murojaat Pramila Jayapala boshchiligidagi 30 nafar liberal demokrat kongressmenlar tomonidan tayyorlangan, deb yozadi The Washington Post dushanba, 24 oktabr kuni kechqurun maktub nusxasiga tayanib.
Xat mualliflarining fikricha, Bayden Ukrainaga harbiy va moliyaviy yordamni davom ettirish bilan bir qatorda «sulhni to‘xtatish uchun real asoslarni» topish uchun Rossiya bilan to‘g‘ridan to‘g‘ri muzokaralarni boshlashi kerak, chunki halokatli va hisoblab bo‘lmaydigan xavflar bilan uzoq davom etadigan urush diplomatik yechimning muqobili bo‘ladi.
Murojaatni imzolaganlarning fikricha, hadli shartlar urushni tugatish uchun bir qator rag‘batlarni o‘z ichiga olishi kerak, jumladan, Rossiyaga qarshi sanksiyalarni yumshatish va jahon hamjamiyati bilan birgalikda, birinchi navbatda ukrainaliklarning o‘zlariga maqbul bo‘lgan erkin va mustaqil Ukraina uchun xavfsizlik kafolatlari haqidagi kelishuv.
The Washington Post ta’kidlashicha, Baydenning bir guruh partiyadoshlari birinchi marta uni Ukrainadagi urushga oid kursni keskin o‘zgartirishga chaqirmoqda.
Oq uy va AQSH Davlat departamenti demokrat kongressmenlarning maktubini sharhlar ekan, ular Jo Bayden hamon Rossiya bilan to‘g‘ridan to‘g‘ri muzokaralarga qarshi ekanini ochiq aytdi. Milliy xavfsizlik kengashining strategik aloqalar bo‘yicha koordinatori Jon Kirbiga ko‘ra, Ukraina ishtirokisiz Rossiya bilan muzokaralar olib borish hamon imkonsiz. O‘z navbatida, Davlat departamenti matbuot kotibi Ned Praysning aytishicha, AQSH Rossiyaning muloqot va diplomatik sa’y-harakatlarga tayyorligi bo‘yicha hech qanday alomat ko‘rmayapti.
Qo‘shma Shtatlar Ukrainaning asosiy ittifoqchilaridan biri bo‘lib, unga ko‘p milliard dollarlik yordam, jumladan, harbiy yordam beradi. Rossiyaning Ukrainadagi tajovuzkorligi fonida Vashington Rossiyaga qarshi bir nechta sanksiyalar paketini joriy qildi.
Ctrl
Enter
Xato topdIngizmi
Iborani ajratib Ctrl+Enter tugmasini bosingMavzuga oid yangiliklar
