10:35 / 19.05.2016
7 182

Guamda B-52 bombardimonchi samolyoti falokatga uchradi

Guamda B-52 bombardimonchi samolyoti falokatga uchradi
AQSh harbiy-havo kuchlarining B-52 strategik bombardimonchi samolyoti Guam orolidagi aviabazadan ko‘tarilgandan keyin falokatga uchradi. Samolyot ekipajining barcha 7 a’zosi samolyot er bilan to‘qnashguncha uni tark etishga muvaffaq bo‘ldilar. Bu haqda "Kun" nashri xabar berdi.

Aviafalokat 19 may mahalliy vaqt bilan soat 08:30 da (Toshkent vaqti bilan 03:30 da) Andersen aviabazasida yuz berdi. Samolyot qulashidan avval yonib ketgan.

Shimoliy Dakota shtatidan AQShning Tinch okeani hududida mavjudligini ta’minlash uchun Guamga tashlangan B-52 samolyoti o‘quv parvozini bajarayotgan bo‘lgan. Samolyot bortida 69-ekspedision bombardimonchi eskadrilyasi ekipaji bo‘lgan.

Aviafalokat sabablari hozircha noma’lum.

2008 yil iyulida ham B-52 samolyoti Guam orolidan 40 km uzoqlikda, Tinch okeaniga qulagan edi. Avifalokat oqibatida halok bo‘lgan 2 nafar uchuvchining jasadi sohilbo‘yi qo‘riqlash xizmati tomonidan samolyot qulashi bilanoq okeandan chiqarib olingandi. Ekipajning qolgan 4 nafar a’zosining jasadlari topilmagan.

Boeing B-52 Stratofortress samolyoti ikkinchi avloddagi ko‘p funksiyali og‘ir, o‘ta uzoq masofalarga uchuvchi qit’alararo strategik bombardimonchi-raketa tashuvchi samolyot bo‘lib, AQSh XXKda 1955 yildan beri qurollanishda turadi.

Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » Dunyo » Guamda B-52 bombardimonchi samolyoti falokatga uchradi