Bollivud yulduzi Priyanka Chopra va Nik Jonas ilk marta qizini ommaga ko‘rsatdi (foto)

^{Foto: “Yandeks.ru”}
Bollivud aktrisasi Priyanka Chopra ilk marta qizalog‘i Malti Marining yuzini ko‘rsatdi.

Priyanka Chopra qizalog‘i bilan Los-Anjelesdagi tadbirda ishtirok etdi. Tadbir davomida aktrisaning turmush o‘rtog‘i Nik Jonas, uning akalari Kevin va Jo Gollivudning Shon-shuhrat xiyobonidagi o‘z yulduzlarini taqdim etdi.

^{Foto: “Yandeks Dzen”}
Malti Marining suratlari bir zumda ijtimoiy tarmoqlarda tarqaldi. Juftlik o‘z sahifalarida shaxsan e’lon qilganidek, 2022 yil 15 yanvar kuni Kaliforniyada mashhur juftlikning qizi surrogat ona yordami bilan dunyoga keldi.

^{Foto: “Yandeks Dzen”}
Chaqaloq muddatidan oldin tug‘ilgani uchun ham juda zaif edi. Homiladorlikning oltinchi oyida tug‘ilgan chaqaloqning ota-onasi barcha vaqtlarini yangi oila a’zosiga bag‘ishlash uchun faoliyatida biroz tanaffus qildi. Priyanka va Nik ba’zan o‘z ijtimoiy tarmoqlariga qizlarining suratlarini joylashtirsa-da, uning yuzini ko‘rsatmas edi.

^{Foto: “Yandeks Dzen”} “Zamin” yangiliklarini “Telegram”da kuzatib boring