342
AQSH mintaqada yangi urushlarni qo‘zg‘atish uchun Falastin-Isroil mojarosini kengaytirmoqchi, deb yozdi Ronald Reygan maʼmuriyati davrida Oq uy xodimi bo‘lgan Pol Kreyg Robers o‘zining shaxsiy saytidagi maqolasida.
"Maqsad - neokonservatorlar Yaqin Sharqda urushlarni qayta boshlashi uchun Eron va Suriyani mojaroga tortish", — dedi u.
Tahlilchi taʼkidlaganidek, juda ko‘p sonli Amerika qo‘shinlari, qurollari va havo kuchlarining ko‘chirish Vashingtonning mintaqadagi niyatlarini tasdiqlaydi.
"Hech kim mantiqiy ovozlarga quloq solayotganga o‘xshamaydi. Boshqacha qilib aytganda, mojaroning nazoratdan chiqib ketishiga hech narsa to‘sqinlik qila olmaydi", — deb qo‘shimcha qildi Robers.
7 oktyabr kuni ertalab Isroil G‘azo sektoridan keng ko‘lamli raketa hujumiga uchradi. Katta o‘qqa tutilganidan so‘ng HAMAS jangarilari yahudiy davlatining janubidagi chegara hududlariga kirib, u yerda ham harbiylar, ham tinch aholiga qarata o‘t ochgan, shuningdek, asirlarni garovga olgan. Harakatning harbiy qanoti “Al-Qassam” brigadalari “Al-Aqsa to‘foni” operatsiyasini eʼlon qildi.
Bunga javoban Isroil mudofaa kuchlari G‘azo sektorida “Temir qilichlar” operatsiyasini boshladi. Hujum ortidan bir necha kun ichida Isroil harbiylari chegara yaqinidagi barcha aholi punktlarini nazorat ostiga oldi va anklavdagi nishonlarga, jumladan tinch aholiga qarshi havo hujumlarini boshladi.
Bundan tashqari, Isroil G‘azoni to‘liq blokadaga olganini eʼlon qildi: suv, oziq-ovqat, elektr energiyasi, dori-darmon va yoqilg‘i yetkazib berish to‘xtatildi.
22:11, 8-05-2025
