Ukraina Rossiyaning Zaporojega hujumini muvaffaqiyatli qaytardi

^{Foto: The Kyiv independent}
20 fevralga o‘tar kechasi Ukraina qurolli kuchlari mamlakat janubi-sharqidagi Zaporoje viloyatiga yo‘naltirilgan Rossiya hujumlarini muvaffaqiyatli qaytarishga erishgan. Bu haqda Ukraina kuchlari bergan bayonotga asoslanib, CNN xabar berdi.

Xabarda aytilishicha, 20 fevral kuni tongda Ukraina Bosh shtabi tarqatgan ma’lumot qurolli kuchlar tomonidan Zaporoje viloyatidagi Malinivka va Robotin hududlariga yo‘naltirilgan Rossiyaning 11 ta yo‘nalishdagi hujumi to‘xtatilganini tasdiqlagan.

“Tun og‘ir o‘tdi. Zaporoje hududidagi barcha hujumlar qaytarildi. Ruslar yo‘q qilindi. Vaziyat nazorat ostida”, — deya vaziyatga munosabat bildirgan Ukraina G‘arb operativ qo‘mondonligi.

Rossiya so‘nggi hujumda ikkita S-300 raketalari, masofadan boshqariluvchi raketaga qarshi tizimlar va 23 ta hujumkor drondan foydalangan. Ukrainaga qarshi uchirilgan dronlar Xarkov, Poltava, Kirovograd, Dnepr, Zaporoje, Xerson va Nikolayev viloyatlari osmonida urib tushirilgan. “Zamin” yangiliklarini “Telegram”da kuzatib boring