Foto: AFP
Fransiyada hibsga olinganida Telegram asoschisi Pavel Durov tergovchilarga daromadi bir dirham ekanini aytgan. Bu haqda Le Monde gazetasi xabar berdi.
Dirham — Durov so‘nggi yillarda yashagan BAAning pul birligi. Bir dirham salkam 3 500 so‘mga (26 sentyabrdagi kurs) to‘g‘ri keladi. 2017 yilda Durov soliqlar yo‘qligi sabab Telegram shtab-kvartirasini Berlindan Dubayga ko‘chirgandi. 2022 yilda u BAA fuqaroligini olgan.
Le Monde nashri ta’kidlashicha, Durov o‘zini zohid sifatida ko‘rsatishni yoqtirsa-da, “deyarli nol” maosh olishiga qaramay, multimilliarder hisoblanadi. U Forbes reytingida 15,5 milliard dollar boyligi bilan 127-o‘rinni egallaydi. Bloomberg esa Durovning boyligini 9,07 milliard dollarga baholagan.
Tadbirkor Telegram aksiyalarining asosiy qismiga egalik qiladi. U mart oyida Financial Times’ga bergan intervyusida kompaniya 30 milliard AQSH dollariga baholanganini aytgan.
Pavel Durov 24 avgust kuni Parijning Le Burje aeroportida qo‘lga olingandi. To‘rt kundan so‘ng u 5 million yevro miqdorida garov evaziga qo‘yib yuborilgan. Durov haftada ikki marta politsiya uchastkasiga kelish sharti bilan unga Fransiyadan chiqish man etilgan. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Hindistonda 50 dan ortiq dori-darmonlar sifatida muammo aniqlandi
Zelenskiyning AQSHga tashrifi: Tramp «Ukraina endi yo‘qligi»ni aytdi
Stoltenberg: “Rossiya NATOni qo‘rqitishga harakat qilmoqda”
Lukashenko NATO davlatlariga yadroviy zarba berishga tayyorligini ma’lum qildi
Dunyodagi eng baxtli shaharlar reytingi e’lon qilindi
Yaqin Sharq katta urush ostonasidami?
Frontdagi vaziyat: Rossiya armiyasi Ukrainaning muhim qal’asi — Vuhledarni deyarli to‘liq qurshab oldi
Ivan Boshkovich: “Safarda kuchli raqibni mag‘lub etish yoqimli, lekin maydon holati o‘yin sifatiga ta’sir ko‘rsatdi”
