Foto: Reuters
Tinchlik bo‘yicha Nobel mukofoti uchun 286 nafar nomzod ko‘rsatildi, deb xabar beradi Reuters. Ular orasida BMTning qochoqlar ishi bo‘yicha oliy komissari, Rim papasi Fransisk va britaniyalik naturalist Devit Attenboro ham bor.
Agentlik tomonidan ekspertlar orasida o‘tkazilgan so‘rovda, ular BMTning Falastin qochoqlari ishi bo‘yicha agentligi, BMT Xalqaro sudi va tashkilot bosh kotibi Antoniu Guterrishni ham ro‘yxatga kiritgan. Shu bilan birga, ekspertlar BMTning Falastin qochoqlari ishi bo‘yicha agentlikka mukofotning berilishini bahsli deb atagan — ayniqsa, agentlik xodimlarining 2023 yil 7 oktyabrda HAMAS tomonidan Isroilga uyushtirgan hujumiga aloqadorligi haqida xabarlar tarqalgan hozirgi vaziyatda.
O‘z navbatida koloniyada vafot etgan rossiyalik muxolif siyosatchi Aleksey Navalniy hamda Ukraina prezidenti Volodimir Zelenskiy nomzodlari ham yetakchilik qilmoqda. Reuters'ning yozishicha, Navalniyga mukofotni topshirishning iloji yo‘q, chunki u marhumlarga berilmaydi. Zelenskiy bo‘lsa, jang qilayotgan davlat rahbari bo‘lgani uchun nomzodlikdan chiqib ketishi mumkin.
Norvegiya Nobel qo‘mitasi, shuningdek, joriy yilda mukofotni hech kimga bermaslik bo‘yicha ham qaror qabul qilishi mumkin — mukofot tarixida bunaqasi 19 marta sodir bo‘lgan, oxirgisi 1972 yilda.
«Balki qo‘mita aynan shu yili tinchlik bo‘yicha Nobel mukofotini hech kimga bermay, sayyoramiz urush domida ekaniga e’tibor qaratar», — deydi Stokgolm xalqaro tinchlik tadqiqot instituti rahbari Den Smit.
2024 yilda Nobel mukofoti laureatlari 7-14-oktyabr kunlari e’lon qilinadi. Norvegiya Nobel qo‘mitasi tinchlik bo‘yicha laureatni 11 oktyabrda e’lon qiladi. 2023 yilda mukofot eronlik huquq himoyachisi Nargiz Muhammadiyga nasib etgan. “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Xalqaro jinoyat sudi Isroil bosh vaziri Netanyaxuni hibsga olishga order berdi
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
Turkiya o‘zining birinchi kvant kompyuterini taqdim etdi
Josep Borrel: “Xalqaro jinoyat sudining Netanyaxuni hibsga olish bo‘yicha qarori ijro etilishi shart”
Husiylar Isroil aviabazasiga gipertovushli raketa bilan zarba berdi
Superliga. OKMK safarda "Paxtakor"ni mag‘lub etdi va 11 yillik qora an’anaga chek qo‘ydi
Har payshanba jismoniy tarbiya va sport kuni sifatida belgilanadi
Metabolizm sekinlashganining belgilari
