Isroil oʻt ochishni toʻxtatish uchun “Hizbulloh”ga qanday shart qoʻydi?

^{Foto: AFP}
Isroil armiyasi Livan janubida oʻt ochishni toʻxtatish uchun “Hizbulloh” guruhiga shart qoʻydi. Bu haqda arab nashrlariga tayanib, “TASS” xabar berdi.

Ma'lum qilinishicha, Isroil otashkesim sharti sifatida “Hizbulloh” harakati qurollarini tashlab, kuchlarini ikki davlat chegarasidan shimolga olib chiqishni talab qilmoqda.

"Isroil Livanda oʻt ochishni toʻxtatish evaziga “Hizbulloh”dan qurollarini tashlab, Litani daryosining shimoliga chekinishni talab etmoqda", deydi frantsuz manbalari.

Hozir Livanda 15 mingdan ortiq isroillik askar boʻlishi mumkin. “Hizbulloh” birinchi marta Livandagi oʻt ochishni toʻxtatish sa'y-harakatlarini ochiq-oydin qoʻllab-quvvatlamoqda.

"Biz oʻt ochishni toʻxtatishga erishish maqsadida (parlament raisi Nabih) Berri rahbarligidagi siyosiy sa'y-harakatlarni qoʻllab-quvvatlaymiz. Oʻt ochishni toʻxtatish ishonchli tarzda amalga oshirilgach va diplomatiya oʻz natijasini berganidan soʻng, barcha boshqa tafsilotlar muhokama qilinib, qarorlar hamjihatlikda qabul qilinadi", dedi bosh kotib oʻrinbosari Naim Qosim. “Zamin” yangiliklarini “Telegram”da kuzatib boring