Sadir Japarov: “Gʻarb Rossiya bilan hamkorlik mavzusida koʻrsatma bermasligi kerak”

^{Foto: Qirgʻiziston prezidenti matbuot xizmati}
Qirgʻiziston prezidenti Sadir Japarov Gʻarb davlatlari Rossiya bilan hamkorlik haqida gap ketganda, Moskvaning hamkorlariga hech qanday koʻrsatma bermaslik kerakligini aytdi.

“Bu, albatta, notoʻgʻri. NATO yoki Evropa ittifoqiga a'zo boʻlgan Evropa davlatlari bor, ular ham Rossiya bilan hamkorlik qiladi-ku”, deydi Japarov.

Uning ta'kidlashicha, Gʻarb davlatlari Rossiya yoki MDH bilan hamkorlikni toʻxtatish toʻgʻrisida “gapirmasligi, koʻrsatma bermasligi yoki soʻramasligi” kerak.

“MDH sobiq SSSR a'zosi, biz hamma bilan hamkorlik qilishimiz kerak”, dedi Japarov.

Avvalroq Qirgʻiziston Vazirlar Mahkamasi rahbari Oqilbek Japarov VI Qirgʻiziston—Rossiya iqtisodiy forumida respublika Rossiya bilan yillik savdo aylanmasini 3 milliard dollardan 5 milliard dollargacha oshirishni kutayotganini ma'lum qilgan edi. U, shuningdek, Rossiya Qirgʻizistonning strategik hamkori ekanini ta'kidlagan. “Zamin” yangiliklarini “Telegram”da kuzatib boring