Oʻzbekiston va Vengriya saraton kasalligini davolash sohasida hamkorlik qiladi

^{Foto: "Dunyo" AA}
Vengriya tomonining ma'lum qilishicha, institut mamlakatdagi eng yirik saraton kasalligini davolash boʻyicha muassasa boʻlib, yarim asrdan koʻproq vaqt davomida onkologiya sohasida epidemiologik, davolash, tadqiqot va oʻquv markazi boʻlib kelgan. Institut tadqiqot guruhi Vengriya milliy saraton dasturini ishlab chiqqan.

Oʻzbekiston va Vengriya oʻrtasidagi sogʻliqni saqlash sohasidagi strategik sheriklikni yangi mazmun bilan boyitishga koʻmaklashish maqsadida Chabo Polgar Oʻzbekiston Sogʻliqni saqlash vazirligi, Respublika onkologiya markazi va boshqa ixtisoslashtirilgan tibbiyot muassasalari bilan uzoq muddatli hamkorlikni yoʻlga qoʻyishga tayyorligini bildirdi.

Oʻzbekistonlik onkologlarning Vengriyada qisqa muddatli amaliyot oʻtashini tashkil etish, shuningdek, onkologiya sohasida ikki tomonlama ilmiy-amaliy seminar va konferentsiyalar oʻtkazish hamkorlikning istiqbolli yoʻnalishlari etib belgilandi. “Zamin” yangiliklarini “Telegram”da kuzatib boring