Zelenskiy Ukraina quruqlik qo‘shinlariga yangi qo‘mondon tayinladi

^{Foto: Ministry of defence of Ukraine}
Ukraina prezidenti Volodimir Zelenskiy Ukraina Qurolli kuchlari quruqlik qo‘shinlarining yangi qo‘mondoni etib Mixaylo Drapatiyni tayinladi.

U shtabning Oliy bosh qo‘mondon Aleksandr Sirskiy bilan uchrashuvi chog‘ida tegishli qarorga kelganini ma’lum qildi. Shuningdek, Oleg Apostol Ukraina Qurolli kuchlari bosh qo‘mondoni o‘rinbosari etib tayinlandi.

«General-mayor Mixaylo Drapatiy Xarkiv yo‘nalishida mudofaani muvaffaqiyatli tashkil qildi va Rossiya qo‘shinlarining hujumkor operatsiyasini to‘xtatdi. Polkovnik Oleg Apostol 95-maxsus havo hujumi brigadasining tajribali qo‘mondoni. Har ikkisi ham janglarda o‘zining samaradorligini isbotladi», deyiladi xabarda.

Zelenskiy so‘zlariga ko‘ra, ularning asosiy vazifasi armiyaning jangovar samaradorligini oshirish, harbiy xizmatchilarni tayyorlash sifatini ta’minlash va odamlarni boshqarishga innovatsion yondashuvlarni joriy etishdan iborat. “Zamin”ni Telegramʻda oʻqing!