Margarita Simonyan Rossiya Qozogʻistonga qoʻshin yuborsa, xursand boʻlishini aytdi

^{Foto: “RIA novosti”}
Rossiyalik jurnalist Margarita Simonyan agar Rossiya Qozogʻistonga “qandaydir barmaleylar” bilan kurashish uchun qoʻshin yuborsa, xursand boʻlishini aytdi. Bu haqda u “Exo Moskvi” efirida ma'lum qildi.

Ehtimol, jurnalist 2022 yil yanvar voqealari paytida Rossiya harbiylarining Qozogʻistonga kiritilganiga ishora qilgan.

"Biz Ukrainada ham, Suriyada ham, agar yana bir bor qandaydir barmaleylar bilan kurashishga chaqirishsa, Qozogʻistonda ham (jang qilish) imkoniyatiga ega boʻlsak, men juda xursand boʻlardim", dedi u.

Simonyan barmaley (jinoyatchi, bosqinchi, jangarilar, fitnachi yoki gʻalamis) deganida aynan kimni nazarda tutgani noma'lum. U Rossiyada “huquqshunoslar ham, iqtisodchilar ham” armiyaga borishini orzu qilishi, shunda hech kim mamlakatga tahdid solmasligini ta'kidladi.

Evropa ittifoqi avvalroq Simonyanni Rossiya targʻibotining “markaziy figurasi” deb atab, unga qarshi sanktsiyalar kiritgandi. Qozogʻistonda harbiy parad bekor qilinganidan norozi boʻlgan Simonyanning turmush oʻrtogʻi — teleboshlovchi Tigran Keosayan qozogʻistonliklarga “Ukrainaga nazar tashlash” va “jiddiy oʻylash”ni maslahat bergandi. “Zamin” yangiliklarini “Telegram”da kuzatib boring