Aleksandr Lukashenko Belarusda «ekstremizm» moddasi boʻyicha qamalgan 23 kishini afv etdi. Bu haqda uning matbuot xizmatiga tegishli «Pul pervogo» kanali xabar berdi.
Afv etilgan siyosiy mahbuslar ismi oshkor etilmagan. Ma'lum qilinishicha, uch nafar ayol va 20 nafar erkak afv etilgan boʻlib, ularning 14 nafarida surunkali kasalliklar mavjud.
Lukashenko matbuot xizmatining qayd etishicha, ularning barchasi «qilgan ishidan pushaymonligini bildirib, kechirim soʻragan».
Soʻnggi oylarda Belarusda bir necha bor siyosiy mahbuslar ozod etildi. Xususan, 16 avgust kuni Lukashenko 30 nafar mahbusni afv etgan boʻlsa, 4 sentyabrda — 30 kishi, 16 sentyabrda — 37 mahbus, noyabr boshlarida — 31 kishi, noyabr oxirlari va dekabrda esa jami 84 mahbus ozodlikka chiqdi.
2020 yil 9 avgust kungi prezidentlik saylovlaridan keyin Lukashenkoning gʻalabasi e'lon qilingach, Belarusda yarim yildan ortiq vaqt ommaviy norozilik namoyishlari boʻlib oʻtdi. Muxolifat Lukashenkoning iste'fosini, siyosiy mahbuslar ozod etilishi va yangi saylovlar oʻtkazilishini talab qildi. Norozilik aktsiyalari kuchishlatar tuzilmalar tomonidan bostirilganidan keyin toʻxtagan va namoyishlarda ishtirok etgan koʻplab fuqarolar hibsga olingan edi. “Zamin” yangiliklarini “Telegram”da kuzatib boring
Ctrl
Enter
Xato topdIngizmi
Iborani ajratib Ctrl+Enter tugmasini bosingMavzuga oid yangiliklar
