Isroil Bosh vaziri Benyamin Netanyaxu Vashingtonda AQSh prezidenti Donald Tramp bilan uchrashdi. U Oq uy rahbariga Hizbulloh guruhiga qarshi operatsiya xotirasi uchun peyjer sovgʻa qildi, dedi Isroil bosh vazirining maslahatchisi Dmitriy Gendelman.
N12 telekanaliga koʻra, sovgʻalar roʻyxatida ikkita peyjer bor edi: oddiy va oltin.
Donald Trampning ta'kidlashicha, Mossad tomonidan uyushtirilgan peyjerlarning ommaviy portlashi «ulugʻvor operatsiya» boʻlgan. Bunga javoban u Isroil prezidentiga uchrashuvdan olingan «Bibi, buyuk yoʻlboshchi» yozuvi va oʻz imzosi tushirilgan qoʻshma fotosuratni sovgʻa qildi.
Prezidentlarning Oq uyda uchrashuvi besh soat davom etdi. Kengaytirilgan muzokaralar chogʻida tomonlar dolzarb masalalar, jumladan, Gʻazo sektori bilan bogʻliq masalalarni muhokama qildi.
Muhokamalardan soʻng Donald Tramp Qoʻshma Shtatlar «Gʻazo sektorini nazorat ostiga olishini» aytdi. Uning soʻzlariga koʻra, anklavda tozalash ishlari olib boriladi, portlamagan bomba va qurollar olib tashlanadi, erlar tekislanadi, vayron boʻlgan binolar buziladi. Amerika qoʻshinlari «kerak boʻlsa» u erda ham paydo boʻlishi mumkin.
Peyjer portlatish operatsiyasi 2024 yil 17 va 18 sentyabr kunlari Livan va Damashqda boʻlib oʻtdi. Portlashlarning birinchi toʻlqinida kamida 16 kishi halok boʻldi, 3000 dan ortiq kishi jarohatlandi. Ikkinchi toʻlqin sodir boʻlganda, taxminan 25 kishi halok boʻldi va 700 dan ortiq kishi jarohat oldi. “Zamin” yangiliklarini “Telegram”da kuzatib boring
Ctrl
Enter
Xato topdIngizmi
Iborani ajratib Ctrl+Enter tugmasini bosingMavzuga oid yangiliklar
