Prezident Vladimir Putinning aytishicha, Rossiya armiyasi Kursk viloyatida oldinga siljimoqda.
Rossiya prezidentining soʻzlariga koʻra, hujum «butun jangovar aloqa chizigʻi boʻylab» amalga oshirilmoqda.
«Bir soat oldin menga ma'lum qilingan soʻnggi ma'lumotlar shuki, bugun tunda 810-brigada jangchilari Rossiya Federatsiyasi va Ukraina oʻrtasidagi chegarani kesib oʻtib, dushman hududiga kirgan», - dedi Putin.
Ukraina tomoni bu da'volarga javob qaytardi. Kursk viloyatidagi mudofaa tizimidagi yutuqlar haqidagi xabarlar haqiqatga toʻgʻri kelmaydi, dedi Bosh shtab vakili Dmitriy Lixovoy.
19 fevral soat 15:00 holatiga koʻra, kun boshidan buyon Kursk viloyatida 12 ta qurolli toʻqnashuv qayd etilgan, ulardan uchtasi hali ham davom etmoqda, qolganlari qaytarilgan.
Qaytarilgan hujumlardan biri taxminan ertalab soat 6 larda sodir boʻlgan. Rossiya boʻlinmalari Nikolayevo-Daryino-Juravka yoʻnalishi boʻyicha Ukraina davlat chegarasi tomon yurishga uringan, biroq «Urinish muvaffaqiyatsiz tugadi», dedi Ukraina Qurolli kuchlari Bosh shtabi vakili.
Ctrl
Enter
Xato topdIngizmi
Iborani ajratib Ctrl+Enter tugmasini bosingMavzuga oid yangiliklar
