Xitoy bir vaqtda 6 ta sun’iy yo‘ldoshni orbitaga olib chiqdi

Xitoy aerokosmik fan va texnologiya korporatsiyasi (CASC) oltita «Shiyan-27» sun’iy yo‘ldoshini quyosh bilan sinxron orbitaga muvaffaqiyatli olib chiqqanini ma’lum qildi.

Uchirish Pekin vaqti bilan 06:51 da Tayyuan kosmodromidan CZ-6A (Changzheng-6A) raketasi yordamida amalga oshirildi. Bu «Long March» seriyali raketalarning 570-uchirilishi hisoblanadi.

Korporatsiya ma’lumotlariga ko‘ra, ushbu sun’iy yo‘ldoshlar asosan kosmik muhitni o‘rganish va tegishli texnologik tadqiqotlarni o‘tkazish uchun ishlatiladi.

Ikki bosqichli CZ-6A raketasining uzunligi 50 metr bo‘lib, ekologik toza bo‘lgan kerosin va suyuq kislorod aralashmasida ishlaydi. Raketa to‘rtta qattiq yonilg‘ili kuchaytirgich bilan jihozlangan bo‘lib, taxminan 6,5 tonna og‘irlikdagi foydali yuklarni 500 kilometr balandlikdagi orbitaga olib chiqish imkoniyatiga ega.

CZ-6A raketa turining bu 26-missiyasi bo‘lib, joriy 2025 yildagi uchinchi parvozidir.

Siz nima deb o‘ylaysiz: Xitoyning kosmosga bunday tez va tinimsiz chiqishlari global ilmiy raqobatga qanday ta’sir qiladi? “Zamin”ni Telegramʻda oʻqing!