Armaniston Respublikasi rasman Shanxay Hamkorlik Tashkiloti (SHHT)ga a’zo bo‘lish niyati borligini bildirdi. Bu haqda mamlakat Tashqi ishlar vazirligi rasmiy bayonot e’lon qildi.
Ta’kidlanishicha, SHHTning asosiy tamoyillari — hududiy yaxlitlik, kuch ishlatmaslik va chegaralar daxlsizligini qo‘llab-quvvatlash bilan yaqindan tanishgan Armaniston Respublikasi ushbu tashkilotga to‘laqonli a’zo bo‘lishga tayyor ekanini bildirdi.
«Shanxay Hamkorlik Tashkilotining asosiy tamoyillari, ya’ni hududiy yaxlitlik, kuch ishlatmaslik va chegaralar daxlsizligi bilan o‘rtoqlashgan Armaniston Respublikasi SHHTga a’zo bo‘lish istagini bildirdi», — deyiladi rasmiy bayonotda.
Bu bayonot, tahlilchilar fikricha, Yerevanning tashqi siyosatdagi yangi yo‘nalishini namoyon etadi. So‘nggi yillarda Armaniston G‘arb va Rossiya o‘rtasidagi siyosiy muvozanatni saqlashga urinayotgan edi. Endi esa mintaqaviy tashkilotlar bilan hamkorlikni chuqurlashtirish istagi yanada yaqqol ko‘zga tashlanmoqda.
Ma’lumot uchun, SHHT 2001 yilda tashkil etilgan bo‘lib, bugungi kunda Xitoy, Rossiya, Hindiston, Pokiston, Qozog‘iston, Qirg‘iziston, Tojikiston va O‘zbekiston kabi davlatlarni o‘z ichiga olgan mintaqaviy tuzilma hisoblanadi.
Yerevanning bu tashabbusi amalga oshsa, SHHTning siyosiy va geografiyaviy ta’sir doirasi yanada kengayishi mumkin. Ammo hozircha a’zolik rasmiy qabul qilinmagan va tashkilot tomonidan hech qanday rasmiy munosabat bildirilmagan. Shu bois, bu qadam kelgusida qanday natijalar beradi — vaqt ko‘rsatadi. “Zamin”ni Telegramʻda oʻqing!
Ctrl
Enter
Xato topdIngizmi
Iborani ajratib Ctrl+Enter tugmasini bosing Mavzuga oid yangiliklar
