Rossiya va Ukraina o‘rtasidagi ziddiyat yana qaynoq nuqtaga aylandi. 28 iyul sanasiga o‘tar kechasi Ukraina poytaxti Kiyevda yana bir dahshatli havo hujumi amalga oshirildi.
Bu safargi hujumda Rossiya tomonidan foydalanilgan qurol — uchuvchisiz bo‘lib, ular shaharga kirib kelishi bilanoq portlashlar yuz berdi. Kiyev shahar harbiy ma’muriyati rahbari Timur Tkachenkong ta’kidlashicha, bu kutilmagan zarba oqibatida sakkiz kishi jarohat olgan.
Eng alamlisi shundaki, yaralanganlar orasida bir bola — uch yoshli go‘dak ham bor. Ma’lumotlarga ko‘ra, uning ahvoli o‘rtacha og‘ir, to‘rt kishi esa shifoxonaga yotqizilgan. Tkachenkoning aytishicha, hujum natijasida Darnitskiy tumanidagi ko‘p qavatli uylarning derazalari parchalangan.
Hujum paytida shahar bo‘ylab havo hujumi xavfi haqidagi ogohlantirishlar tarqatildi. Qo‘rquv, tashvish va xavotir Kiyev osmonini qoplab oldi. Portlashlardan so‘ng shahar politsiyasi vayronaga aylangan binolar aks etgan videolarni Telegram sahifasi orqali e’lon qildi.
Ayni paytda Rossiya tomoni bu hujum yuzasidan rasmiy izoh bermagan. Ukraina fuqarolari esa har kuni o‘lim, jarahat va vayrona yaqinligida yashashga majbur. Bunday sharoitda hayot — har daqiqada xavf ostida ekanini yana bir bor isbotladi.
Mahalliy aholi bunday vaziyatga ko‘nikishga urinmoqda, ammo har bir portlash, har bir yangragan signal — tinchlikka bo‘lgan umidni sinovga solayotgani aniq. Shahar infratuzilmasiga yetkazilgan zarar hozircha hisoblanmoqda, lekin inson hayotiga yetgan zararni o‘lchashning iloji yo‘q.
Kiyev osmoni yana qora tusga kirdi. Har kuni mo‘jiza kutgan xalq, bugun esa faqatgina omon qolish haqida o‘ylamoqda. Ukrainadagi bolalar uchun bolalik o‘z ma’nosini yo‘qotmoqda — ular uchun endi uy, oila va xavfsizlik tushunchasi xavf bilan bog‘langan.
Ushbu voqea yana bir bor shuni ko‘rsatdiki, tinch aholi har qanday siyosiy nizo qurboniga aylanishi mumkin. Dunyo jamoatchiligi bu voqeaga e’tibor qaratayotgan bo‘lsa-da, fuqarolar har kuni shunday xavflar ostida yashamoqda. Ular uchun tinch kun — orzu, xotirjam kecha — mo‘jiza.
Shaharda ta’mirlash ishlari boshlangan. Ammo inson ruhiyatida qolgan izlarni qanday to‘ldirish mumkin? Bola qalbida qolgan qo‘rquv, ota-onaning xavotiri va derazasi yo‘q uydagi hayot — buning hammasi shunchaki statistika emas, balki haqiqiy insonlar hayoti.
“Zamin”ni Telegramʻda oʻqing!
