Reddit portali foydalanuvchilari dunyodagi eng ortiqcha baholangan, ya’ni ortiqcha shov-shuvga ega va ko‘pchilikka “zeroikarli” deb hisoblangan shaharlarni sanab o‘tdi. Bu savolga berilgan ko‘plab izohlarda Dubay alohida e’tirof etildi. Foydalanuvchilar fikriga ko‘ra, Dubay sun’iy, moddiyatparast va shaxsiyatsiz joy bo‘lib, o‘ziga xos madaniy yoki tarixiy go‘zallikka ega emas. Bir kishi: “Bu yer sayyoradagi eng zerikarli va qimmat shahar. Dubay dunyoning oxiri emas, lekin u yerdan dunyoning oxirini ko‘rish mumkin”, deb yozdi.
Ikkinchi eng ko‘p tilga olingan variant Las-Vegas bo‘ldi. Portal foydalanuvchilari ta’kidlaganidek, u yerda shovqin, tartibsizlik va qimmatchilik hukm suradi. Ilgari bu holatga odatlanish mumkin edi, ammo hozirda shahar juda qimmatga aylandi.
Shuningdek, boshqa ko‘p uchragan nomlar orasida Amerika shaharlari – Los-Anjeles va Mayami, Meksikaning Kankun shahri, Misr poytaxti Qohira, Irlandiyaning Dublin va Fransiya poytaxti Parij ham bor. Portal foydalanuvchilari fikriga ko‘ra, Parij ham ba’zi holatlarda haddan tashqari iflos va qimmat shahar sifatida baholanishi mumkin. Bir kishi o‘z izohida: “Buni aytish noqulayroq, ammo Parij shunga o‘xshaydi”, dedi.
Ushbu ro‘yxat internet foydalanuvchilari orasida shaharlarga bo‘lgan qarashni yanada qiziqarli va bahsli qilib qo‘ydi, shuningdek dunyodagi turistik va moddiy qadriyatlar haqida fikrlar almashishga sabab bo‘ldi.
“Zamin”ni Telegramʻda oʻqing!
