Qozog‘iston poytaxti Olmaota shahrida Milliy gvardiya harbiy xizmatchisi o‘z xizmat qilayotgan 5571-qism binosining uchinchi qavatidan pastga sakrab, og‘ir holatga tushdi. Bu haqda “Tengrinews” xabar berdi.
Voqea 4 oktyabr kuni sodir bo‘lib, askar shifoxonaga yotqizildi va unga zarur tibbiy yordam ko‘rsatilmoqda. Hozirda uning sog‘ligi va psixologik holati doimiy nazorat ostida.
Shifokorlarning tahliliga ko‘ra, askar chuqur depressiya holatida bo‘lgan. Bu holat uning harbiy xizmatga chaqirilguniga qadar yaqin qarindoshini yo‘qotishi bilan bog‘liq ekanligi aytiladi. Askar harbiy-terapevtik komissiyaning keyingi xizmatga yaroqliligini aniqlaydigan qarorini kutayotgan edi. Videokuzatuv kameralarida tashqi aralashuvlar qayd etilmagan.
Harbiy qismda xizmat tekshiruvi olib borilmoqda, hodisaning barcha jihatlari o‘rganilmoqda. Nashrning ma’lum qilishicha, o‘tgan yilning kuzida ham xuddi shu qismda chaqiriluvchi askar to‘pponchadan yaralangan holat yuz bergan.
Bu fojiali voqea harbiy xizmatchilarning psixologik sog‘ligi, stress va oilaviy holatlarga bo‘lgan e’tiborning qanchalik muhim ekanini yana bir bor ko‘rsatib berdi.
“Zamin”ni Telegramʻda oʻqing!
