AQSHda adolatsizlik qurboni bo‘lgan 64 yoshli Subramanyam Vedam nomli erkakning taqdiri yana jamoatchilik e’tiborini qozondi. U 43 yil davomida nohaq ravishda qamoqda o‘tirib, ozodlikka chiqqanidan ko‘p o‘tmay yana hibsga olingan. Bu haqda LADbible nashri xabar berdi.
Ma’lumotlarga ko‘ra, Vedam 1980-yillarda o‘zining 19 yoshli sobiq xonadoshi Tom Kinserning o‘ldirilishida ayblanib qamalgan. Yo‘qolgan talabaning jasadi to‘qqiz oydan so‘ng topilgan va Vedam asosiy gumondor sifatida hibsga olingan. Sud uni shartsiz umrbod qamoq jazosiga hukm qilgan.
Oradan to‘rt dahya asr o‘tgach, yangi dalillar uning aybsizligini isbotladi. Shu yil boshida sud uni oqlab, erkinlikka chiqardi. Ammo erkak oilasi bilan uchrashishga ham ulgurmay, AQSH Immigratsiya va bojxona xizmati (ICE) agentlari tomonidan yana hibsga olindi.
ICE bayonotiga ko‘ra, u agentlik tomonidan deportatsiya jarayoni yakunlanguncha hibsda qoladi. Ma’lum bo‘lishicha, Vedam asli Hindistonda tug‘ilgan va u yerdan atigi to‘qqiz oylik chog‘ida AQSHga olib kelingan. Endi uni vataniga qaytarish ehtimoli bor.
Erkakning yaqinlari bu holatdan qattiq iztirobda. Ular Vedam bilan ozodlikda quchoqlashishga ham ulgurmaganini aytishdi.
Huquqshunoslar esa bu voqeani AQSH huquq tizimidagi eng achinarli xato va “erkinlikning qayta tortib olinishi” sifatida baholamoqda.
“Zamin”ni Telegramʻda oʻqing!
