Hindistonning Radjastxan shtatida juda dahshatli fojia ro‘y berdi — yo‘lovchi avtobusa yong‘inga yo‘liqib, kamida 20 kishi halok bo‘ldi, deb xabar berdi mahalliy OAV.
Hodisa Jaysalmer–Jodxpur yo‘lida, Tayyat qishlog‘i yaqinida sodir bo‘lgan. Avtobusda 50 ga yaqin yo‘lovchi bo‘lgan. Yo‘lga chiqqanidan ko‘p o‘tmay, transport vositasining orqa qismida tutun ko‘tarilgan va bir necha daqiqa ichida butun salonni olov qamrab olgan.
Guvohlar so‘zlariga ko‘ra, yong‘in shiddat bilan tarqalgani sababli yo‘lovchilar chiqishga ulgurmagan. Ayniqsa, avtobusning orqa qismida o‘tirganlar chiqish eshiklariga yetib bormagan. Tergovchilarning dastlabki xulosasiga ko‘ra, yong‘inga konditsioner tizimidagi qisqa tutashuv sabab bo‘lgan.
Hukumat halok bo‘lganlarning shaxsini aniqlash uchun DNK tahlillarini boshladi. Radjastxan bosh vaziri Shugat Singx marhumlar yaqinlariga ta’ziya bildirdi hamda barcha yo‘lovchi avtobuslar xavfsizligini qayta tekshirish bo‘yicha maxsus komissiya tuzishni buyurdi.
Mahalliy matbuot yozishicha, bu hodisa mamlakatdagi eng og‘ir transport yong‘inlaridan biri sifatida qayd etilmoqda.
“Zamin”ni Telegramʻda oʻqing!
