Xitoyda blogerlar faoliyatini tartibga soluvchi yangi qonun kuchga kirdi.
25 oktyabrdan boshlab tibbiyot, huquq, ta’lim va moliya kabi mutaxassislik talab qiladigan sohalarda kontent yaratadigan bloggerlar uchun rasmiy malaka hujjatlarini taqdim etish majburiy bo‘ldi. Ya’ni endilikda ular tegishli diplom, litsenziya yoki sertifikatga ega bo‘lishlari shart.
Kibermakon ma’muriyati (CAC) tomonidan qabul qilingan bu tartib Douyin, Bilibili va Weibo kabi ommaviy platformalarda amalga joriy etildi. Shu bilan birga, bloggerlar o‘z kontentida foydalangan tadqiqot va manbalarni ham aniq ko‘rsatishlari kerak bo‘ladi.
Rasmiylar bunday chora onlayn dezinformatsiya va soxta maslahatlar tarqalishining oldini olishga qaratilganini ta’kidlamoqda. Ammo tanqidchilar fikricha, yangi talablar ijodkorlik va so‘z erkinligiga jiddiy ta’sir ko‘rsatishi mumkin.
Mutaxassislar bu islohotni Xitoyning internet maydonidagi “ishonchli ma’lumot siyosati”ning yangi bosqichi sifatida baholamoqda.
“Zamin”ni Telegramʻda oʻqing!
