Portugaliya terma jamoasi va Saudiyaning “Al-Nasr” klubi yetakchisi Krishtianu Ronaldu AQSH poytaxtida o‘tgan nufuzli kechki qabulda qatnashib, yana bir bor jamoatchilik diqqat markazida bo‘ldi. “The Telegraph”ning yozishicha, shohona ravishda uyushtirilgan ushbu ziyofat Saudiya valiahd shahzodasi Muhammad bin Salmonning AQSHga amaliy tashrifi munosabati bilan Oq uyda tashkil etilgan.
Marosimning asosiy mehmoni shahzoda bo‘lgan bo‘lsa, qabul tomonidan AQSH Prezidenti Donald Tramp va uning rafiqasi Melaniya ishtirok etdi. Yig‘ilishda yuqori lavozimdagi bir qator rasmiylar — Davlat kotibi Marko Rubio, Moliya vaziri Skott Bessant va Mudofaa vaziri Pit Hegset ham qatnashgan.
Ziyofat mehmonlari orasida futbol olamining eng yorqin yuzlaridan biri — Krishtianu Ronaldu, FIFA rahbari Janni Infantino, Amazon asoschisi Jeff Bezos, shuningdek, amerikalik milliarder Ilon Mask ham bo‘lgani tadbirga yanada obro‘ qo‘shdi.
Kechki ovqat davomida Tramp shuxratli hujumchining Oq uyga kelgani farzandi uchun ham katta voqea bo‘lganini yashirmagan.
“O‘g‘lim Ronalduning jonkuyar muxlisi. Berron uni ko‘rishga muvaffaq bo‘ldi. Aniq aytaman, endi u otasini biroz boshqacharoq hurmat qiladi — ularni tanishtirib qo‘yganim o‘ziyoq yetarli”, deya shuxratlangan AQSH Prezidenti.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
