м
Avstraliyaning Iqtisodiyot va tinchlik instituti e’lon qilgan 2025 yilgi “Global terrorizm indeksi”ga ko‘ra, O‘zbekiston jahondagi eng xavfsiz davlatlar qatoridan o‘rin oldi. Mamlakat terrorchilik xavfi bo‘yicha 90-pog‘onada qayd etilgani, xavfsizlik darajasida esa qator rivojlangan davlatlarni ortda qoldirgani aytiildi.
Hisobotda qayd etilishicha, O‘zbekiston AQSH, Kanada, Buyuk Britaniya, Fransiya, Germaniya, Ispaniya, shuningdek Rossiya, Xitoy, Tojikiston, BAA va Turkiyadan xavfsizroq deb baholangan. Turkmaniston, Qozog‘iston va Qirg‘iziston 100-o‘rin atrofidan joy olgan.
Hisobot dunyodagi vaziyatning yomonlashayotganini ham ko‘rsatgan. Terrorchilik hujumlari qayd etilgan davlatlar soni bir yilda 58 tadan 66 taga ko‘tarilgan. G‘arb mamlakatlarida esa hujumlar 63 foizga oshgan — Shvetsiya, Avstraliya, Finlyandiya, Niderlandiya, Daniya va Shveysariyada so‘nggi besh yilda ilk bor teraktlar sodir etilgan.
Yevropada eng qizg‘in vaziyat Germaniyada kuzatilgan — Magdeburg yarmarkasidagi hujum ortidan mamlakat 27-pog‘onaga tushib qolgan. Inglizchalik aytganda, “high-risk zone”ga aylangan.
Eng xavfli o‘nlikda esa Burkina Faso, Pokiston, Suriya va Isroil kabi davlatlar joylashgan.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
