Afrika qit’asi ichkaridan asta-sekin yorilib borayotgani haqidagi ilmiy xulosalar qayta-qayta tasdiqlanmoqda. Britaniyalik geologlarning so‘nggi tahlillariga ko‘ra, bu jarayon kelajakda butun qit’aning geografik manzarasini o‘zgartirib, markazida umuman yangi okean paydo bo‘lishiga olib kelishi mumkin.
Kil universiteti mutaxassislari Afrika va Arabiston plitalari orasida kechayotgan ajralish jarayonini magnit maydon o‘zgarishlari orqali kuzatgan. Ular qayd etishicha, bo‘linish shimoli-sharqdan janubga tomon chuqurlashib, kuchayib borayotgan seysmik faollik — yer silkinshlari bilan birga kechmoqda.
Olimlar bu jarayon “ertaga sodir bo‘ladigan” hodisa emasligini, amalda millionlab yillar talab etilishini ta’kidlashmoqda. Biroq prognozlarga qaraganda, taxminan 5–10 million yildan so‘ng Afrika ikki yirik qismiga ajralishi mumkin.
Bir tomonda Misr, Jazoir, Nigeriya, Gana va Namibiya joylashadigan hudud qolsa, ikkinchi tomonda esa Somali, Keniya, Tanzaniya, Mozambik va Efiopiyaning katta qismi kiruvchi yangi geologik mintaqa shakllanishi kutilayapti.
Ilmiy jamoa bu jarayon insoniyat hayotida emas, ammo geologiya tarixida ulkan o‘zgarishlarga sabab bo‘lishini ta’kidlamoqda.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
