Qozog‘istonning Olmaota viloyatida joylashgan Narinko‘l chegara postida yuz bergan yong‘in fojia bilan yakunlandi. Rasmiy ma’lumotga ko‘ra, xizmat binosida ro‘y bergan yong‘in qisqa vaqt ichida o‘chirilgan bo‘lsa-da, afsuski, bir harbiy xizmatchi va uning voyaga yetmagan farzandi hayotdan ko‘z yumdi.
Hozirda hodisa yuzasidan tergov harakatlari boshlangan. Mutasaddilar yong‘inning kelib chiqish sabablarini, xavfsizlik qoidalariga qay darajada amal qilinganini, binodagi texnik holat qanday bo‘lganini aniqlashmoqda.
Ma’lumotlarga qaraganda, o‘t xavfi qay darajada tez yoyilgani va yong‘in paytida bino ichida qancha xodim bo‘lgani hozircha ma’lum emas. Chegara xizmati marhum xizmatchi oilasiga chuqur ta’ziya bildirib, ularga barcha zarur yordam ko‘rsatilayotganini ma’lum qildi.
Bu voqea chegaradagi xavfsizlik infratuzilmasi va xizmat binolari holatini yana bir bor jiddiy ko‘rib chiqish zarurligini ko‘rsatdi.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
