Xitoy G‘azoga 100 million dollar ajratdi: yordam rasman tasdiqlandi

Xitoy Prezidenti Si Jinping Pekinda Fransiya rahbari Emmanuel Makron bilan o‘tkazilgan uchrashuvdan so‘ng G‘azo sektori uchun yirik moliyaviy yordam ajratilishini e’lon qildi. Unga ko‘ra, Pekin falastinliklarga insonparvarlik inqirozini yumshatish va vayron bo‘lgan infratuzilmani tiklash maqsadida 100 million dollar yo‘naltiradi.

Rasman ma’lum qilinishicha, mazkur mablag‘ birinchi navbatda tezkor yordam yetkazish, gumanitar resurslarni taqdim etish va qayta qurish ishlarini moliyalashtirishga sarflanadi.

Uchrashuv davomida ikki davlat yetakchilari mintaqadagi tinchlik, barqarorlik va o‘zaro hamkorlikni mustahkamlash bo‘yicha fikr almashdi.