Xitoy va Pokiston rahbarlari ikki davlat o‘rtasidagi aloqalarni yanada kuchaytirishga kelishib oldi. Tomonlar o‘zaro hamkorlikni kengaytirish va do‘stona munosabatlarni saqlab qolish muhimligini ta’kidladi.
Pokiston Xitoyning eng yaqin hamkorlaridan biri hisoblanadi. Xitoy Pokistonda yirik iqtisodiy loyihalarni amalga oshirib, infratuzilma, savdo va transport sohalariga katta sarmoya kiritib kelmoqda. Bu loyihalar mamlakat iqtisodiyotini rivojlantirishga xizmat qilmoqda.
Uchrashuvda tomonlar sanoat, qishloq xo‘jaligi, savdo va moliya sohalarida hamkorlikni kuchaytirishga kelishib oldi. Xitoy Pokistonning xavfsizlikni ta’minlash va terrorizmga qarshi kurash borasidagi choralarini qo‘llab-quvvatlashini bildirdi.
Shuningdek, Xitoy va Pokiston rasmiylari kelgusida ham yaqin aloqalarni saqlab qolish va o‘zaro ishonch asosida ishlashga tayyor ekanini qayd etdi. Tomonlar mintaqada barqarorlik va tinchlikni mustahkamlash uchun birgalikda harakat qilishini ta’kidladi.
“Zamin”ni Telegramʻda oʻqing!
