16 fevral kuni Rod-Aylend shtatidagi Potaket shahrida maktab jamoalari ishtirokidagi xokkey musobaqasi vaqtida otishma sodir bo‘ldi. Politsiya ma’lumotiga ko‘ra, hodisa oqibatida 3 kishi halok bo‘lgan, yana 3 nafar fuqaro og‘ir ahvolda shifoxonaga yotqizilgan.
Tergovning dastlabki xulosalariga ko‘ra, hodisa “maqsadli” bo‘lib, oilaviy kelishmovchilik bilan bog‘liq bo‘lishi mumkin. Politsiya gumonlanuvchi sifatida 56 yoshli Robert Dorganni tilga olgan, u musobaqada ishtirok etgan o‘quvchilardan birining otasi ekani aytilgan. Xabarlarga ko‘ra, gumonlanuvchi o‘z joniga qasd qilgan, qurbonlar orasida ham u bor.
Guvohlar hujum paytida qurollangan boshqa bir kishi hujumchini to‘xtatishga uringanini aytishgan, voqea joyidagi qurollar musodara qilingan. Ayni paytda politsiya guvohlarni so‘roq qilmoqda, videoyozuvlar o‘rganilmoqda va hodisaning barcha tafsilotlari aniqlanmoqda.
“Zamin”ni Telegramʻda oʻqing!
