Tramp Erondagi urush tez orada tugashini e’lon qildi
AQSH prezidenti Donald Tramp Erondagi harbiy operatsiyalar yaqin orada yakunlanishi mumkinligini e'lon qildi. Uning ta'kidlashicha, asosiy maqsad Eronning yadroviy qurolga ega bo'lishining oldini olishdan iborat. Garchi Islomobodda o'tkazilgan muzokaralarda ayrim kelishuvlarga erishilgan bo'lsa-da, yadroviy dastur va Hormuz bo'g'ozi masalalari hali ham ochiq qolmoqda. Yaqin kunlarda tomonlar muzokaralarning yangi bosqichini boshlashlari kutilmoqda.
AQSh prezidenti Donald Tramp Eron bilan bog‘liq harbiy operatsiyalar yaqin orada yakunlanishi mumkinligini ma’lum qildi. U jurnalistlar bilan suhbatda mojaro tez sur’atlarda rivojlanayotganini ta’kidlab, “Biz istagan natijaga erishishimiz mumkin. Bu tez orada tugashi kerak”, deya fikr bildirdi.
Trampning aytishicha, Eronga qarshi olib borilayotgan harbiy kampaniya majburiy choralar doirasida amalga oshirilmoqda. U bu jarayonni “kichik safar” deb atab, AQShning asosiy maqsadi Eronning yadroviy qurolga ega bo‘lishining oldini olish ekanini qayd etdi.
Avvalroq 12 aprel kuni Islomobodda AQSh va Eron vakillari o‘rtasida muzokaralar o‘tkazilgani, unda ayrim masalalarda kelishuvga erishilgan bo‘lsa-da, yadroviy dastur va Hormuz bo‘g‘ozi masalalari ochiq qolayotgani ma’lum qilingan edi. Tomonlar yaqin kunlarda muzokaralarning yangi bosqichi boshlanishi mumkinligini bildirmoqda.
Izohlar 0
…