Ijtimoiy tarmoqlarda mushuk bilan bog‘liq noodatiy video keng tarqalib, foydalanuvchilar orasida qizg‘in muhokamalarga sabab bo‘lmoqda. Kadrlarda bir ayol mushukka nisbatan qo‘pol harakat qilib, uni oyog‘i bilan itargandek bo‘lgani aks etgan.
Qiziq tomoni shundaki, oradan atigi bir necha soniya o‘tib, ayol zinadan chiqayotgan paytda qoqilib, muvozanatini yo‘qotadi. Aynan shu holat ko‘pchilik tomonidan “tezkor karma” sifatida baholanmoqda.
Izohlarda foydalanuvchilar hayvonlarga nisbatan bunday munosabatni qoralab, “yomonlik hech qachon javobsiz qolmaydi” degan fikrlarni bildirishmoqda. Ayrimlar esa bu voqeani hayotiy saboq sifatida ko‘rib, har qanday jonzotga mehr bilan munosabatda bo‘lish kerakligini ta’kidlashgan.
Video qisqa vaqt ichida millionlab ko‘rishlar yig‘ib, internetda eng ko‘p muhokama qilinayotgan lavhalardan biriga aylandi.
“Zamin”ni Telegramʻda oʻqing!
