15:10 / 24 мая 2017
4 276

Manchesterdagi teraktni uyushtirgan kimsaning shaxsi aniqlandi

Manchesterdagi teraktni uyushtirgan kimsaning shaxsi aniqlandi
23 mayga o‘tar kechasi Buyuk Britaniyaning Manchester shahrida mahalliy vaqt bilan 22:30 da “Manchester Arena” stadionida kuchli portlash ro‘y bergani haqida xabar bergan edik.

Ma’lum bo‘lishicha, portlagan bombani Liviyadan bir necha kun avval Manchesterga qaytgan 22 yoshli Salmon Obidi ismli o‘smir harakatga keltirgan. Shuningdek, Salmonning ham o‘zi portlash oqibatida halok bo‘lgan. Portlash bo‘yicha javobgarlikni o‘z zimmasiga olgan IShID terrorchilik guruhi xudkushni Liviyada o‘zini qurbon qilishga tayyorlagan.

Shuningdek, Salmonga teraktni amalga oshirishda yana noma’lum kimsalar yordam bergan bo‘lishi mumkin, degan taxminlar mavjud.

Hozirda terakt natijasida qurbonlar soni 22 kishiga etgan bo‘lib, 120 kishi jiddiy tan jarohati olgan va 8 kishi bedarak yo‘qolgan. Voqea joyida qutqaruv xizmati va polisiya xodimlari ish olib borishmoqda.
Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)