2016 yil 19 dekabrda Rossiya va Turkiya munosabatlariga qaysidir ma’noda o‘z ta’sirini o‘tkazgan voqea sodir bo‘lgan edi. O‘shanda Rossiya elchisi Andrey Karlov Anqara shahrida o‘tkazilgan ko‘rgazmaning ochilishida ishtirok etib, nutq so‘zlagan edi. Elchi o‘z nutqini tugatishi bilan uning orqa tarafida turgan shaxs tomonidan otib o‘ldirilgan edi.
Keyinroq, jinoyatchi 22 yoshli Mavlut Oltintosh ekanligi aniqlandi. U Turkiya fuqarosi bo‘lib, polisiyachilar tomonidan otib o‘ldirilgan edi. Mavlut Oltintosh ko‘rgazmaga polisiya ofiserining soxta guvohnomasi orqali kirgani ma’lum bo‘lgan edi.
Turkiya prokuraturasi bu jinoyatning tergov harakatlarini shu vaqtgacha to‘xtatmagan edi, ammo uning tafsilotlari OAV vakillaridan sir saqlanayotgan edi. 12 iyun kuni “Hurriyet Daily News” gazetasiga tayanib “Qalampir.uz” sayti voqeaga aloqador yangi ma’lumotlarni keltirdi.
Tergovchilar Rossiya elchisining hayotiga qilingan suiqasdni uyushtirgan deb gumon qilgan 5 nafar shaxs haqida ma’lumot berdi. Ular voqea sodir bo‘lgan mehmonxonada yashashgan va qotil Mavlut Oltintosh bilan aloqada bo‘lgani ehtimoli bor. Prokuraturada qayd etilishicha, ulardan biri qotillik buyurtmachisi bo‘lishi ham mumkin.
Shuningdek, surishtiruv jarayonida Mavlut Oltintosh qotillikdan avval, mehmonxona yaqinidagi savdo markazida bo‘lgan va u erda FaceTime dasturi orqali gumon ostida bo‘lgan shaxslardan biri bilan gaplashgan, shundan so‘ng, shu odam bilan mehmonxonada ko‘rishgan.
Ayni vaqtda qotillik Turkiya va Rossiya mutaxassislari hamkorligida tergov qilinmoqda. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Samarqandda haydovchidan pora so‘ragan YPX xodimlari ishdan bo‘shatildi
Rossiyaning yettita viloyatiga dronlar hujum qildi
Saudiya Arabistoni energetika vaziri O‘zbekistonga tashrif buyuradi
U23 Osiyo kubogi. Bugun final! O‘zbekiston terma jamoasi Yaponiyaga qarshi o‘ynaydi
Chempionlar ligasi 1/2 final. “Borussiya D” o‘z maydonida “PSJ”ni kichik hisobda mag‘lub etdi
Netanyahu HAMASga qarshi operatsiyani yakunlashdan bosh tortdi
Ukraina AQSHdan birinchi navbatda MQ-9 dronlarini yetkazib berishni so‘ramoqda
Taqiqlangan usulda ov qilganlik uchun jazoni kuchaytirish taklif qilindi