Indoneziyada taxtadan tayyorlangan Qur’on kitobi namoyish etildi

Indoneziyaning Palembang shahridagi «Al-Akbar» muzeyida taxtadan tayyorlangan Qur’on kitobi ko‘rgazmaga qo‘yildi.
Suralar har birining bo‘yi 1,77 metr va eni 1,4 metr bo‘lgan 30ta doskaga o‘yib yozilgan.

Xattot Shofvatilla Moxzaibning «Anadolu» agentligiga aytishicha, u Qur’on oyatlarini taxtaga o‘yib yozish bilan 2001 yildan shug‘ullana boshlagan. Bu ishni yakunlash uchun unga 9 yil kerak bo‘lgan.

«Tajribaga ega bo‘lish uchun avvaliga qog‘ozda mashq qildim, oyatlarni kartonga o‘yib yozdim. Mutaxassislarning ma’qullashlaridan keyin taxtaga o‘yib yozishni boshladim», - dedi u.

Xattotning aytishicha, har bir doskaga sayqal berish uchun o‘rtacha bir oydan vaqt ketgan.
“Zamin”ni Telegramʻda oʻqing!