Foto: NBC News
Isroil davlat deb emas, balki terrorchilar bazasi sifatida qaralishi kerak, deb ta’kidladi Eronning oliy diniy rahnamosi Oyatulloh Ali Xomanaiy. Bu haqda «Interfaks» xabar berdi.
«Isroil davlat emas, balki Falastin xalqiga va boshqa musulmonlarga qarshi harakat qilayotgan terrorchilar bazasi», — dedi Xomanaiy o‘zining telemurojaatida.
U 1970 yillarning oxirida Eronda falastinliklar bilan hamkorlikda tashkil etilgan «Al-Quds» birdamlik kuni munosabati bilan nutq so‘zladi.
Oxirgi vaqtlarda Eron va Isroil o‘rtasidagi qarama-qarshilik yana avj oldi. Eron Oyatulloh Xomanaiyning asosiy falsafiy ta’limoti asosida Isroil bilan targ‘ibot kurashini olib bormoqda. Shu bilan birga, Eron Yaqin Sharqda, xususan, Suriyada o‘z faoliyatini kuchaytirdi hamda yadro dasturi ustida jadal ishlay boshladi. Bunga javoban Isroil ham Eronga qarshi siyosatini faollashtirmoqda.
11 aprel kuni shahid Ahmadi Roshan nomidagi elektr taqsimlash majmuasida noxush hodisa sodir bo‘ldi. Eron Atom energiyasi tashkilotining rahbari Ali Akbar Solihiy tizimdagi nosozlik «yadroviy terrorizm»ning namoyishi ekanini aytdi, lekin aniq kuchlarni sabotaj qilishda ayblashdan tiyildi.
Jerusalem Post gazetasi gap, katta ehtimol bilan, ortida Isroilning «Mossad» razvedkasi turgan kiberhujum haqida ketayotganini ma’lum qildi.
Hodisadan bir kun oldin Eron ushbu yadro inshootida uranni boyitish jarayonini faollashtirish mumkin bo‘lgan ilg‘or sentrifugalarni ishga tushirish to‘g‘risida e’lon qilgan edi. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Buyuk Britaniya va Ukraina 100 yillik hamkorlik bo‘yicha muzokaralarni boshladi
Toshkent-Andijon pullik yo‘li loyihasi 4,65 mlrd dollarga baholandi
Messining kelishi "Inter Mayami" budjetiga qanday ta’sir qildi?
SSKA ustozi Fedotov Abbos Fayzullayevning jamoaga qaytgani haqida nima dedi?
O‘zbekistonda Xitoy bilan hamkorlikda chiqindilarni yoqish zavodi quriladi
Xorazmda Eron korxonalari uchun alohida sanoat zonasi tashkil etilyapti
AQSH Isroilga qurol yetkazib berishni to‘xtatdi
U-23 Osiyo Kubogi. O‘zbekiston so‘nggi daqiqalarda gol o‘tkazib yubordi va 2-o‘rin bilan yakunladi