51 yoshli Erik Yuan Daily Mail nashriga bergan intervyusida o‘zi asos solgan Zoom dasturidan charchagani, kun davomida bir nechta videokonferensiyadan keyin kechga borib boshi og‘rishini ta’kidlagan.
Foto: Getty Images
«O‘tgan yili bir kunda 19 ta videouchrashuvda ishtirok etishimga to‘g‘ri keldi. Men bundan shunchalar charchadimki, odamlar bilan boshqa videoqo‘ng‘iroq orqali muloqot qilishni istamayman», — degan u.
Qanchalik g‘alati tuyilmasin, uydan turib qulay ishlash va videoqo‘ng‘iroq orqali majlislar o‘tkazish uchun Zoom’ga asos solgan Erik qo‘l ostidagi ishchilarini ofisdan ishlashga chaqirgan. U barcha kompaniyalar hozircha masofadan ishlashga to‘liq o‘ta olmasligini tushunib yetgan.
Foto: Getty Images
Kompyuter qarshisida ko‘p vaqt sarflash, hamkasblar bilan jonli muloqotda bo‘lmaslik, shuningdek, ortiqcha ishlash salbiy oqibatlar, hatto kasalliklarning paydo bo‘lishiga olib keladi.
Bundan tashqari, ishchilar masofadan turib ishlash paytida ish beruvchi muayyan ishni bir necha baravar kam maosh evaziga bajaradigan osiyolik mutaxassisni topishi mumkin ekanidan hadiksiraydi.
Google, Twitter, Amazon va kelajak masofadan ishlash bilan bog‘liq ekani haqida bong urib gapirgan boshqa kompaniyalar kovorkinglar ochib, ishchilarni ofisdan ishlashga taklif qila boshlagan. Hatto shunday yirik kompaniyalar ham jonli muloqotsiz odamlarga, ayniqsa o‘qish va karera borasida o‘sish juda ham qiyin ekanini tushunib yetgan.
So‘nggi yilda masofadan turib ta’lim olgan bolalarning aksariyati bu juda ham qiyin ekani va yil davomida deyarli hech nima o‘rganmaganini ta’kidlagan. Sinf xonasi, ofis va universitetda bo‘lganda, muammolarni joyida hal qilish yoki aniqlashtirish mumkin bo‘ladi, onlayn muloqot vaqtida esa bu tushunarsiz va murakkabroq bo‘lishi mumkin. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Germaniyada maktab o‘quvchilari ommaviy ravishda islom dinini qabul qilmoqda
Vladimir Putin «Krokus»da sodir etilgan terakt uchun o‘ch olishga chaqirdi
Amerikalik olimlar barcha uchun birdek foydali jismoniy faollik turini aniqladi
Qaysi kundalik odatlar immunitet pasayishiga olib kelishini bilasizmi?
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
Velosipedda sayr qilish uchun 3 sabab: yoshartiradi, ozdiradi va umrni uzaytiradi
Rossiya dunyodagi birinchi vodorod yoqilg‘ili avtomobilni taqdim etdi
Crocus teraktida ayblanayotgan tojikistonlik Dalerjon Mirzoyevning ota-onasi o‘g‘li haqida gapirdi