Belarus va Polsha chegarasida 24 oktabr kuni kechqurun 60 ga yaqin noqonuniy muhojirlar guruhi Polshaga bostirib kirmoqchi bo‘ldi, tartibsizliklarda ikki polshalik askar yaralandi. Bu haqda Polsha chegara xizmati matbuotiga tayanib «Korrespondent.net» xabar berdi.
«Chet elliklar tayoq ishlatgan, shuningdek, Polsha armiyasi askarlari va chegara xizmati zobitlariga tosh otgan. Askarlardan birining yuziga shox bilan, ikkinchisining yuziga tosh bilan urishgan. Ularning ikkalasini ham Belostokdagi kasalxonaga yetkazishga to‘g‘ri kelgan. Ularning ahvoli yaxshi, allaqachon shifoxonadan chiqarildi», — deyiladi xabarda.
Chegarachilar ham yengil tan jarohatlari olgan, ular tibbiy yordamga murojaat qilmagan. Muhojirlar Polshaga o‘tishga muvaffaq bo‘lmagan.
Ofitserlar chegaradan o‘tganlar orasida simto‘siqni kesgan fuqarolik kiyimidagi belaruslik askarlarni tanib qolgan.
Belarus va Yevropa Ittifoqi mamlakatlari chegarasidagi migratsion inqiroz Aleksandr Lukashenkoning Minsk endi Yevropani muhojirlardan himoya qilmoqchi emasligini aytganidan keyin boshlandi. Shundan so‘ng, ommaviy axborot vositalarida xabar berilishicha, belaruslik chegarachilar chegarani noqonuniy kesib o‘tmoqchi bo‘lgan odamlarga jiddiy to‘sqinlik qilmaslik haqida yashirin ko‘rsatma olgan.
Xususan, Litvada bahordan buyon migratsiya inqirozi davom etmoqda. Mamlakatga Yaqin Sharq va Afrika mamlakatlaridan yuzlab fuqaro — bari Belarus orqali kirib kelmoqda. O‘tgan yil bilan taqqoslaganda, Belarus—Litva chegarasi orqali o‘tayotgan noqonuniy muhojirlar oqimi 39 barobarga oshgan.
Litvada iyul oyining oxirida favqulodda holat rejimi joriy qilingandi. Mamlakat Belarus bilan chegarada to‘siq qurishni boshlagan. Shuningdek, Litva hukumati o‘z ixtiyori bilan mamlakatni tark etishga rozi bo‘lgan noqonuniy muhojirlarga 300 yevrodan to‘lashga va’da bermoqda. “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Rossiyalik deputat: «Oliy ma’lumotlilarning kurerlik qilishi — vatanparvarlikka zid»
Shimoliy Koreya Rossiyaga uzoqqa zarba beruvchi qurollar yubordi
Eron AQSHdan 1 trln dollar kompensatsiya talab qildi
Kim Chen In harbiylarni jangovar holatda turishga chaqirdi
20 yoshli o‘zbekistonlik qizni qarindoshi Turkiyaga sotib yubordi
Jo Bayden: “Ba’zan xotinim meni kosmosga jo‘natish bilan tahdid qiladi”
Shols va Putin o‘rtasidagi suhbat Kiyevga signal bo‘ldi
Rashida Tolib Kongress a’zolariga «achchiq haqiqat»ning suratini ko‘rsatdi
